^][®][مــــــآيــــك المــنــتــدى مع مين ؟؟][®][^ - الصفحة 2

07-19-2008, 04:39 AM

عذرا عن انقطاعي عن هذا الموضوع ..
مرحبا بكي اختي جنآن في مسرح منتدى انا سعودي ..
اتمنى ان نعرف الكثير عن شخصك الرائع ..
اطيب المنى .. مالكـ القلوب ,,

07-29-2008, 06:19 AM

جـــــــــــــــــــــــــــنانــــ,,,,

المـــــــــــــــــايــــــكــــ ويـــــــــــاكـــ,,,

نـــــــــــتــــــــــمـــــــــــــنى مـــــــنـــــــكــــ,,

الــــــــــــــــــــحــــــــــــــــضــــــــــ ــــــتور,,,,,

08-01-2008, 05:47 AM

السلآم عليكم ورحمة الله ..

اعتذر على تأخري ( ادري مسختها والله )

ولكن قصمن كتبت رد على هذا الموضوع مرتين .. في كل مره كان يطير الرد واتحطم واخذ بريك من الصدمة وارجع اكتب ونفس الحالة ..

عسى هالرد يثبت وما يفشلني .. لان صدق بعتزل شي اسمه ردود

ويمكن هذا شي لازم تعرفونه عني .. انه حظي دايم مدعوم بالطوفة .. من وين ما جيتها عيت تجي ..)=

وحقيقة .. فأنا لا أملك الكثير لأقوله .. ولكنـ سأحاول التعبير ..

- - - - - - - - - - - -

كوح كوح << - - -تتأكد من صوت المايـــك

تعال يا مالك عدله فيه وشه الصوت

امممم بما اني ماحب اتكلم عن نفسي بعض الشيء .. والكلام مفتوح لي حرية الاختيار ..

فـ جا على بالي موقف طريف حصل معي قبل اشهر قليلة ..

( اللي ع الارض ينبطح على بطنه .. يساعد على التركيز .. واللي جالس على الكرسي يتربع عليه يساعد على تخزين الطاقة بالجسم )

قبل حوالي 3 اشهر ..

تطوعنا انا وبعض من زميلاتي للاشتراك بمهرجان قناة الجزيرة للافلام الوثائقية ..

وكان دورنا بالمهرجان ضمن اللجنة التنظيمية .. وكانت مهمتي اني اقدم عروض الافلام في المهرجان ..

يعني اممممم .. مخرجي افلام يشاركون من بلاد مختلفه بافلامهم اللي اخرجوها .. وانا بدوري اقوم بتقديم كل فيلم مع اسم المخرج ..

وامسك ندوة النقاش لكل فيلم في قاعة العرض ..

فاللي حصل انه واحد من هذي الافلام كان لمخرج يعمل في قناة الجزيرة ( فجتني توصية على فيلمه ) اني اقدمه باسلوب حلو وامدحه الخ

وبنفس الوقت المخرج كان موصيني اني يوم اقدم اسمه ما ازيد بهارات من عندي وتحلف لي اذا سويت هالشي بأنه يخلي ليلتي منيلة بستين نيلة ..

عاد انا مقدر اخالف أوامر المسؤول عني .. خفت يفصلوني من الشغل ..

والله وطلعت على المنصة .. وماخليت كلمة مدح بالمخرج او بفيلمه الا وقلتها .. وصدفت انه قاعة العرض كانت مليانه حضور

والكل كان ينتظر فيلمه بفارغ الصبر ..

طبعا كلامي كان قبل ما يتم عرض الفيلم .. ونزلت عن المنصة وبدأ العرض وانا طلعت خارج القاعه اشرب قهوة الين ينتهي العرض

وما القى الا المخرج والمسؤول عني واقفين وجاني المخرج وهو معصب وهزأني ..

المسؤول ما قصر قله البنت سوت اللي انا قلتلها عليه .. وعصب زياده المخرج وقلنا والله ماني طالع ع المنصة اناقش الفيلم او القي كلمه ..

وتنح المخرج مايبي يدخل القاعه .. مسوي اضراب هآع

وقلي يالله انا رايح ادخن سيجارة وشرد ..

خلص عرض الفيلم وطلعت مره ثانية ع المنصة شكرت المخرج وختمت الفيلم من غير تواجد المخرج ..

واول ما نزلت ما القى الا الناس تصارخ من بعيد .. يسئلون عن المخرج .. يبون يكلمونه ويتناقشون معاه ..

انا هنا توهقت .. لان المخرج سحب علينا وزعل مايبي يناقش .. والناس تنتظر فيه ..

جلست افكر ياربي وش اسوي .. وش اسوي ..

والله وجتني جرأة مدري شلون .. طلعت مره ثانية على المنصة ومسكت المايك ( والقاعة كان فيها فوق الـ 80 نفر ) .. قلت كلمتين بالحرف الواحد:

"أي سؤال أو استفسار .. المخرج متواجد خارج القاعه لتدخين سيجارة .. فأرجوا المعذره .. " << - - اوبس قوية والله

والتفت براسي صوب المسؤول عني اشوف ردة فعله وانا اقول بنفسي خلاص انا اليوم متفنشة مافيها كلام .. والله واشوف المسؤول يعض على فمه متحلف لي ويشاورلي بيده ( انه بيذبحني هع )

طبعا بنفس الوقت قمت اسمع صوت الضحك والتصفير بالقاعه .. الجمهور اعجبتهم المحشة وصار فوضى وكلام كثير بالقاعه

نزلت عن المنصة وكل ما مشيت اسمع احد يقلي .. ما قصرتي وحركة حلوة واللي يضحك ويقلي انتي كددده ..

طلعت من القاعه وهات يا هواش وزعيق من المخرج .. الكل مسكها عليه .. من يشوفوونه يسئلون ها وين كنت .. تدخن سيجاره ؟

ونحاسة بالمخرج .. مدير المهرجان شكرني على الحركه واعجبته ( وعلي عليه المخرج الكل متحلف له هآع )

والله من ذاك الوقت والمخرج كل ما يشوفني يشرد ويقول جتني المصيبه

وتميت وراه الين خذيت منه كلمة اني امسك افلامه واقدمها في المهرجان القادم << - -لو عليه يدعي انه ما يصير مهرجان اساسا خخخ

هالموقف والله كان جد آآكشين وانواع التحشيش .. وكشفت فيني عن مواهب ختيرة في المقالب

والتجربة ككل كانت جدا جميلة وفيها انواع الطرائف والمواقف ..

فالزبــده يا جماعة .. اذا حسيتوا نفسكم في وهقة او احراج ..

تصرفوا بطبيعتكم .. والجرأة اهم شي

<< - - ابووك يالنصيحة ^ـ^

ياللهـ ماطول عليكم .. هذرتي تنفخ الرآس

وان شاء الله ماكون ثقلت عليكم ( ادري وزن الريشة فديتني ض+ فيس خجلان )

بحفظ الرحمن جميعـــآ

!!

08-01-2008, 05:52 AM

هههههههههههههه

والله حركتك حلووووووه

يستاهل هالمخرج

هههههههههههههههههه>> ميته ضحك

08-01-2008, 06:44 AM

هههههههههههههههههههههههههههههههههه

هههههههههههههههههههههههههههههههههه

أنتي كدا كدا كدا جنانوا...

حركة حلوة منك يسلموا حياتوا...

الإهداءات
إضافة إهداء