08-03-2008, 08:16 PM
|
رقم المشاركة : 23
|
 معلومات
العضو |
|
|
|
إحصائية
العضو |
|
|
|
آخر
مواضيعي |
|
|
|
رد: ^][®][مــــــآيــــك المــنــتــدى مع مين ؟؟][®][^
بسم الله الرحمن الرحيم
اللهم صلي على محمد وعلى آل محمد
اما بعد ,,,
احب ان ابدأ بقصيد لشاعر سالم سيار وهذا طبعا لحبي للقصايد والخواطر
اترككم مع القصيده
عسى ما ازعلتك البارح وزودت الجراح جراح
عسى ما مرت الدمعه على اهدابك من اسبابي
جرحتك من كثر شوقي وخليت الكلام رماح
ولا ادري شلون ياعمري طعنتك حيل بعتابي
بدون شعور صدقني ترى كثر الغلا ذباح
تعال وشوف بغيابك غلاك شلون سوابي
حرام تغيب من عمري وتعطيني الفراق وشاح
حرام الدمع في عيني مناديله هي اهدابي
غيابك يشغل عيون الزوايا وامتلي اشباح
وانا انثر صوتك بقلب المكان واشعل ابوابي
تلفت للأمل دام الرجا في عمري الملواح
اناديلك ولو شرهك وصولك تقطع اعصابي
ابيك الجاي من عمري انا مابيك شي وراح
مدامك اجمل واخر مدامك اول احبابي
ابي ارتاح ياعمري انا ادري هم تبي ترتاح
تعال وقبل ما افرح ترا تفرح بك ثيابي
احبك احبك يابعد عمر الحزن والجرح والافراح
احبك احبك كثر ما نامت عيونك داخل اهدابي
************
<<<< تجهز نفسها للكلام لحد يضحك ولحد يعلق و الا ما اعطي المايك احد بعدي 
الحمد لله العلي العظيم على كل ما اعطانا من نعم وعلى كل ما اخذ منا
(( اسمحولي راح اتكلم بالعاميه ))
انا بصراحه انـسانه في قمة البساطه يعني من ولدتني امي سنه 1992 ميلادي لين سنه 2008 ميلادي ما اشوف اني اكثر من غيري
وفيني زود على غيري الا بالاشياء اللي رزقني فيها ربي صحيح عندنا تفاخر بالاصول والتفاخر بما نملك مثلا وعلى سبيل المثال
اذا انا كانت عندي لعبه غير شكل سبحان الله شلون الهم صانعها يسويها بهالشكل اتفاخر واغتر ان عندي هاللعبه واذا كنا في مجال الدراسه اتفاخر باني ولله الحمد متفوقه شاطره الكل يحبني الكل يحترمني الكل يشكر فيني يعني اشياء كثيره ما اقدر احصرها لكم الحين
بس اذا رديت لشخصيتي انا اقدر اقول اني انا بنفسي ما اقدر افهمها بالضبط وانا ما زلت مقتنعه ان ما في احد بالدنيا فاهم شخصيته بالضبط او فاهم هو شنو يبي
انا عشت حياتي عاديه ما بين اهلي اصحابي من اولى روضه لين عاشر وانا مقتنعه اني عاديه ما فيني زود على احد الا باللي ذكرته قبل
وانشاء الله ربي يخليني جذي لين آخر يوم بحياتي
اشياء احبها او ما احبها :
في اشياء كثيره في حياتي يمكن اشياء من حولي او اشياء انا اسويها
ما تكون عاجبتني او بداخلي مو راضيه عنها او مو مقتنعه فيها ادري السؤااال هني ليش اسويها اول ليش اخليها مستمره ؟؟؟؟
راح يكون جوابي بانها اشياء لا بد منها في الحياة
وغيره
<<< بتروح حق الاكل شوي
انا ما احب والله يديم النعمه ويمنعها من الزوال
ما احب الطماطم كلش ولا احب الاناناس ولا احب الاكلات اللي مدري شلون مسوينها يعني اقصد اللي فيها شغل وايد احس ما ادري
ما اتقبلها احب الاكل يكون ببساطه كل شي واضح واعرف انا آكل شغل من شنو تتكون لاني وبصراحه احب اني ادقق باكلي
وما احب آكل كل الاكل اللي يسوونه في البيت لان في اشياء احس ما تعجبني مع احترامي لنعمه طبعا
و لا احب اني آكل من المطام لصغيره و الغير معروفه اول اللي تكون بين المناطق والحارات احس نفسي ما تقبل هالاكل و ما تشتهيه
ادري الكلام مستغرب ويقول هذي شتحب عيل
انا لعيوش (( جمع عيش )) احبها بكل انواعها الا اذا كان ابيض خالي ما احبه
واحب آكل كل انواع الحلو والمالح اللي امي تسويهم يعجبوني حيل
واحب و اموت على الوجبات السريعه خصووصا اذا كانت من ماكدونالدز او من هارديز
ويعني اشياء وايد والله ما اقدر اني اذكرها الحين لانها ذاكرتي ما تقدر تحصرها لي في الوقت الحالي
من بعد الاكل
**************
غلا الروح وحياتها :
في صغري كنت احب كورة القدم ولا كنت فنانه فيها ولا رونالدينيو ولا كاكا
<<<< كانت حدها خطيره 
المووهم بعد ما كبرت و رحت ثامن وكان عمري 13سنه تقريبا
حبيت او اقدر اقول عشقت الشعر صرت اكتب لكن ماراح اجذب واقول كنت اكتب قصايد
لا كنت اكتب ابيات قليله يعني اذا كثرت خليتهم خمس ابيات من حبي لشعر وغير جذي كنت اتابع الشعراء واحب اسمع قصايد وايد
حتى اني صرت احفظ القصايد اكثر من اي شي ثاني (( طبعا النبطي مو الفصحه ))
حبيت شعراء كثيرين منهم :
حامد زيد ,, محمد بن فطيس المري ,, خلف بن هذال ,, عبدالله علوش ,, عابرة سبيل الله يرحمها ,, خليل الشبري التميمي ,, حمد السعيد ,, سالم بن جخير ....الخ
والله هم كثيرين بس ما اقدر اذكرهم كلهم لاني راح آخذ ايام وايام وانا اكتب فيهم
من الابيات اللي كتبتها في حياتي وايد وبعضها نسيتها لاني كنت اكتبها على اي دفتر او على اي كتاب واذا خلصت السنه يروحون الابيات مع روحت الكتب والدفاتر بس اذكر في سنة قبل سنتين كتب تقصيده كامله ادري انها مو موزونه عدل وفيها كسور بس جربت حظي فيها وكتبتها واللي كانت تشجعني على اني اكتب بنت خالتي واللي مسجله معانا تحت اسم (** ترحال **)
والبيت اللي كتبته وصارله سنين ولين الحين ما نسيته ولا اظن بجي اليوم اللي انساه فيه هو :
ان كان الفراق من اختيارك .... ترى الوصال من اعظم امنياتي
ومن بعد هالبيت كتبت ابيات ثانيه بس راحت مثل ما راح غيرها وانا انشاء الله افكر ابني على هالبيت قصيده كامله
واذا كتبتها انشاء الله راح انزلها في المنتدى <<< تسوي دعايه لنفسها 
ولحد الحين وانا عاشقه القصايد وهذا السبب اللي خلاني اعجب بشده وباصرار بالعضوو (( valanteno19 ))
واحب اوجه له تحية و اقوله للامام وعساك على القوه
احبتي عساني ما طولت عليكم وانشاء الله اكون قد صارحتكم بكل شي ..
يتــــــــبع ....,,,,,
|
رأس الحكمة مخافة
الله
|
 |
|
|
|
|
.:: إعلانات المنتدى ::. 
الإهداءات
.gif "eh_s(5)")
شلون تقولين احب اعرف انا اكل من شنو وتاكلين وجبات سريعه