رجاء : من جد وش الخبر
ريما : الخبر عند ابوي لمن يسمح لي اتكلم
بو احمد والكل : وشو تكمي بسرعه والله نبغى نعرف
بواحمد : سكتو انا اللي اقول ............. يالله ياام راشد وش عندك
ريما : ما عندي الا كل خير يبه
بواحمد : طيب تكلمي وش فيك
ريما:بصراحه وهي تناظر احمد اللي وجهه اشوي ويتفجر احمر ومستحي بصراحه ياابوي ولدك احمد يبغى يخطب وحب ياخذ رايك
((الكل مستغرب))
بو احمد:يطالع ولده منو سعيدة الحظ يا وليدي
احمد : هاها ريوم تكلمي الله يخليك
ريما :يبى احمد اللي يبيها مو من برى العيله
منيره بنت خالتي
بو احمد ونعم والله يايبه تستاهل منيره بنت ولا كل البنات مبروووووووك ياوليدي متى تبغى نروح ... بس البنت ماعندها الا خوالها خلي امك تبدأ باالموضوع وانا اكمله
احمد:وهو بتيسم وفي قلبه مسكين ابوي ما يدري انا من زمان مكلم امي عنها واهم عندهم علم با الموضوع ...الله يبارك فيك يبى
متى ما بغيت لو الحين عادي ماعندي مانع على راحتك وما يحتاج امي تمهد لك نروح لهم على طول عادي
ريما:اشوفك مستعجل بايعها توك اصبر كم يوم
احمد: خير البر عاجله
محمد:ايوووووه ايوووه وش وراك بيعرسونك شعنده
بنات تحيلووه لما يدخل علينا وهو ماسك ولده شكله نكته
رجاء ورهف :جلسو يضحكون عليه
احمد:ضحكو ضحكو المفروض تكونون مستانسين جالسين تطنزون علي اوريكم ... بعدين خل احد يحرك اعيالي
محمد:اوووووه مبرووووووووووووووووك يا المعرس لو اعرف ايبب كان يببت بس معرس وهو يناظره من فوق لين تحت معرس وثوبه حد امه وصخ استح على وجهك جالس قدام ابوي وثوبك كانه ثوب بزران جاي يبى ابي اخطب وجلس يضحك
وخل الكل يضحك على احمد
احمد:اوريك شايفني نكته عندك والله رشود هذا العنز اهو اللي موصخني ووجهه مره منحرج طيب انا بقوم
الكل راح غرفته يرتاح
العصر في بيت بوفؤاد
نبراس ونورس : فهد اخوي ودنا المجمع
فهد:وش عندكم تروحون ماله داعي
نبراس :نبغى نشتري شوية اغراض
نورس :تكفى لاتقول لا
فهد: ياالله بسرعه لا تطولون بوديكم واذا خلصتو كلموا علي او على واحد من اخواني طيب
نبراس ونورس : طيب يا اخوي (راحو وبسرعه وجهزوا لبسو عباياتهم ونزلو تحت)
نورس: فهد وينه؟؟؟؟؟
نبراس:يمكن بسياره تراه مو صاحي يسويها يمشي ويتركنا بسرعه خلينا نلحق عليه
في المجمع واهما يتسوقون طلع لهم واحد يغازلهم
؟؟؟؟؟؟؟: لوسمحتي اختي خذي الرقم قاصد نبراس
نبراس: لو سمحت احنا مو من النوع اللي تبيه روح دور على ربعك غيرنا ...بكل انوثه ورقه....
؟؟؟؟؟؟؟: لا اختي لا تفهميني غلط انا من جد اتكلم معاك خذي الرقم ولا تفشليني قدام الجماعه
نبراس:آسفه وفارج عن وجهي
؟؟؟؟؟؟؟:آآآآآآآآآه عليك جمال يموووووت يطيح الطير من السما
نبراس:وربي لو ما نروح لا الم عليك اللي با المجمع كلهم واسوي فيك فضيحه لا صارت ولا استوت انت مو عارف منو تكلم
؟؟؟؟؟؟؟:ok ولا تعصبين أختي بس حبيت اقول لك تراك انتي قمر منزل لي انا وبس
بعد المجهول عنهم أشوي وهو يراغب نبراس ونورس
راح كتب ورقه لنبراس ...........................كتبها وخلص
راح وراهم نبراس كانت في يدها كيس من شافته رد مره ثانيه ارتبكت طاحت اكيس من يدها
؟؟؟؟؟؟؟:نزل يشيل الكيس وفي قلبه اشوه لقيت الطريقه اللي احط الورقه فيها
نزلت نبراس تشيل كيستها وطاحت عينها في عينه
ظلو الاثنين يناظرون بعض
نبراس :مشكور وابعد عن طريقي لو سمحت مو راعيت مشاكل انا وياالله
؟؟؟؟؟؟؟:لالالا القمر ينزل للارض وانا اللي اشيلها لك والعفو ماله داعي لو صار لك اي شيء مره ثانيه اتصلي علي وهو يقول رقمه بسرعه:******* لو الكيسه اللي تطيح منك مره ثانيه اتصلي علي اجي اشيله لك تستاهلين
نورس: يا الله يااختي خلينا نمشي البيت ماله داعي نجلس با المجمع
؟؟؟؟؟؟؟:بعد هذي اختك ما كون ولد امي وابوي ان ما اخذتك وخليت اخوي ياخذك . ابتسم ياالله باااااااااااااااي انشاالله لنا لقاء مع بعض
Ok ..... ويا خواتي انتبهو لانفسكم طيب
مشى ؟؟؟؟؟؟؟ عنهم ونبراس ظلت تناظرخطواته وفي قلبيها ياربيه شنو هذا احس اني اعرفه ها الانسان تقطع عليها نورس
نورس: الوووو.... الوووو الحلوه وين راحت
نبراس : لاابد ولا مكان مارحت محل
نورس : لا علي قولي حبيتيه أنتي؟؟؟وش حسيتي فيه؟؟؟
نبراس: شنو حبيته انتي ما اعرفه انا علشان احبه ويا الله خلي ذا الهرج واتصلي في فهد خل يجينا
ام احمد: اتصلت على اختها علشان تكلمها في الموضوع
ام احمد:الووو
ام منيره: الووو .. من يتكلم
ام احمد: هلا اختي شخبارك شلونك
ام منيره:انتي اوريكيا القاطعه وينك فيه وربي مشتاقه لك كثير وينك عني من زمان
ام احمد : خلينا من ها التشره وقولي لي شخبار منيره بيتي
ام منيره : الحمد الله بخير
ام احمد : يااختي حبيت القرب منك وانا مكلمتك من قبل عن احمد ومنيره
ام منيره:وهذي الساعه المباركه ما بتلقى احسن من احمد
ام احمد: المهم خذي رايها وكلمي علي
ام منيره: طيب يا اختي اول مااخذ الرد منها بكلمك
ام احمد:سلمي عليها ويالله اخليك
ام منيره الله يسلمك مع السلامه
ام الحمد : مع السلامه
في بيت بو فؤاد. نبراس جالسه تفكر في ؟؟؟؟؟؟؟ شوي الا تقول وشو له افكر فيه من يكون وراحت تشوف اغراضها اللي اشترتهم من المجمع طاحت الورقه من الكيس
نبراس بستغراب!!!! وش ها الورقه ؟؟
فتحتها نبراس وشافت المكتوب
السلام عليكم ورجمة الله وبركاته
يااختي انا حاب اتعرف عليك ومن جد اتكلم عمري ما سويتها اني اكلم وحده بنوته قمر مثلك او اي بنت وتكفين فكري انو قلبي من جد بدى يتعلق فيك
انا اسمي : حامد عبد الله
عمري : 24 سنه
وهذا رقمي:**********
وخذي راحتك ان اقتنعتي فهذا يوم السعد عندي واذا ما قتنعتي صحيح راح اتضايق بس براحتك الله يوفقك سواء معاي او مع غيري
باااااااااااااااااااااي
الهيمان حامد عبدالله
وظلت تفكر وتفكر ياربيه احس وجهه مو غريب عني وظلت تذكر البنت اللي خبطت فيها في المدرسه اشوي الا تطلع البنت اللي با المدرسه تشبه حامد مره
نبراس وعلى وجهها علامة استغراب!!!! وش هذا معقوله تكون اخته نفس الوجه ونفس النظره يا ربيه حتى الصوت نفسه ماراح اخليها البنت راح اصادقها قصب طيب راح اكلمها بكره ياربيه متى يجي بكره
وظلت على اعصابها وجلست تناظر الورقه ادق ولا ماادق
مسكة الجوال واتصلت عليه
نبراس: في حالة سكون وصمت
حامد: الو...الو
نبراس:.................في قلبها ماادري اسكر التليفون ولا
حامد:الو اذا انت قد حركتك داق تكلم
نبراس: الووو
حامد:راح فيها هلا والله اكيد انتي اللي با المجمع مساعه صح ولا انا غلطان
نبراس : صح انا اللي با المجمع
حامد:هلا بصاحب الرقم وهلا با اللي داق فدية ها الصوت والله وفديت الرقم .... يااااااااي شكلي ما راح انام الليل
الا اختي ما قلتي لي وش اسمك
نبراس : يعني تبي سيرتي الذاتيه
انا نبراس سالم عمري 18 سنه آ خر سنه لي با الثانويه
حامد: ياي اسمك مره جناااااااان
نبراس: طيب اخوي انا دقيت وقلبي مو مريحني على حركتي هذي اول مره اسويها وش بغيت
حامد:لا يا اختي لا شنو اختي الا حبيبتي وعمري وروحي انتي انك اتصلتي علي ارتاحي ولا تشغلين تفكيرك
ولا تخافين انا ما راح اسوي لك شيء بس وربي صادق بكل كلمه اقولها لك .. وجاد بكلامي
قصدي شريف ابي القرب منكم بس حبيت اتعرف عليك قبل كل شيء
وهذا اذا ما عندك مانع يا اختي
نبراس:طيب يا اخري تكفى استر علي وانا ما عندي مانع اذا بتخاف علي اكثر من خواتك
حامد: الا اختي وشرفي بعد اكيد راح اخاف عليك
نبراس : طيب ممكن اسكر الحين
حامد: بدري حبيبتي تو الناس ما شبعت من ها الصوت
الجزءالرابع
نبراس: استحي تكفى خلاص .. ابقى اسكر
حامد:ok على امرك طيب باااااااااي يا الغلا
ز ين انتبهي لنفسك وغطي جسمك عن البرد لا يحوشك هواء وتمرضين ونامي علشان تجلسين مبكر للمدرسه وفطري الصباح طيب واذا تبين تصبحين بصوتي عادي اتصلي
نبراس : بل بل كل هذا توصيات ما اصدق ماما ما توصيني ها الكثر ووعد مني اجلس بكره اول ما افتح اعيوني اتصل عليك طيب وخلاص بروح انام بااااااااااااااااااي
حامد: بااااااااااااي وسكر الخط بينهم
في بيت ام احمد
احمد: يمه يا ام الغالي
ام احمد : نعم وش بقيت
احمد : يمه كلمتي خالتي عني
ام احمد: ايه كلمتها
احمد : وهو مستانس ..... وش قالت يمه
ام احمد/ وش اقول لك يا وليدي خالتك ما تبيك حق بنتها تقول عذروني منيره مو موافقه
احمد: وملا مح وجهه متغيره والعبره خا نقته شلون يمه يعني ما فيه امل منيره توافق وراح يركض فوق وهو معصب ودموعه محبوسه في عينه
ام احمد: تعال يمه احمد امزح معاك
احمد ما سمع كلام امه: وهو فوق صادفته اخته رهف
رهف: احمد وش فيك
احمد:وهو يمشي ما فيني شيء رهف ( وصل غرفته)
رهف ما اصدق ما فيك شيء كل ها الحزن في عينك ......قطع عليها احمد
احمد : طيب دخلي وسكري الباب وراك
رهف دخلت ويا احمد غرفته وجلست جنبه وحاسه با اللي فيه
رهف: قول وش فيك .... تكفى يا اخوي
احمد وهو يتنهد: تخيلي امي تقول انا خالتي ارفضتني ... آآآآآآآه راحت مني البنت اللي ابيها
رهف : ما عليك نخطب لك اللي احسن منها البنات ترس الديره عندنا
احمد: بس انا اذا ما تزوجت منيره ما راح اتزوج خير شر
الا ام احمد تدخل الغرفه شافت ولدها والدموع تارسه عيونه مسحت على راسه: يمه احمد شفيك
احمد بعصبيه: يعني شفيني ما تدرين يمه
ام احمد: كل اللي فيك علشان منيره
احمد: يعني شرايك يمه؟؟؟
ام احمد وهي تضحك على ولدها : يا وليدي الزواج قسم ونصيب وهي ماعطتني كلمه بس امزح معاك ويا الله قوم شطولك وتبكي علشان بنت ما تبيك وهذا كله مزح
احمد ما يدري وش يقول فرحان وحزين بنفس الوقت يمه تكفين لا تمزحين معاي والله قلبي متعلق في يد بنت خالتي ومااقدر
ام احمد:من جد اتكلم
مابعد خالتك بتكلم منيره وبترد علينا
رهف: الحمد الله بس ما تطلع بنت خالتي لو ما توافق على اخوي لا وما تعرف تختار بعد
احمد: هي انتي هي ولو ما بغتني بكيفها ما بيصير شيء
ام احمد: يا الله تصبحون على خير وكل واحد ينام
عندكم دوامات بكره ... الا ويدخل عليهم حامد
هلا وغلا بامي واخوي والمزيونه اختي رهوفه وش الاخبار
ام احمد: اسم الله عليك يمه وش فيك
احمد وهو يضحك : يمكن سكران
ام احمد: شتقول سكران من جدك احمد
حامد: لا يا ماماتي مو سكران بس بموت من الفرح مو عارف اعبر عن فرحتي
رهف : ها حمود ليكون تحب
حامد تقلبت الوان وجهه ها وش تقولين انتي اصلا انا مااعرف الحب ياالله بروح انام وراي جلسه من الصباح تصبحون على خير ...
رهف: اقص ايدي اذا ما يحب حميد
ام احمد: خلينا من ها الهرج ويا الله نوم
احمد: يا الله انا بنام
وكل واحد في نومته والليل مظلم والاحلام تدور في ذهن احمد
نبراس اللي طول الليل مو جايها النوم وتفكر بكلام حامد وصورة رجاء في عينها
صبح الصبح والعصافير تغرد والهواء يملي أرجاء المكان في غرفة نبراس
الساعه6:10 الصباح ظلت نبراس على وعدها لحامد مسكت التليفون واتصلت في حامد**********
حامد اللي مسمي نبراس في جواله ((الحب الأبدي))
دق جوال حامد قام مفزوع آآآآآآآآآه هذا اللي بيذبحني الحب الأبدي
متصل فيني مااقدر
حامد: هلا بها الصوت
نبراس: هلا والله ... كيفك؟؟؟
حامد: دامني اسمع ذا الصوت اكيد بخير ولا اصبح فيه بعد يمه بموت
نبراس: اسم الله عليك من الموت ... الا حامد ماعندك دوام
حامد:الا عندي بس العصر دوامي ها الاسبوع
نبراس: اها يعني دوامك شفتات
حامد: ايوه شفتات.... المهم يا الحب جهزتي للمدرسه
نبراس : ايوووه من زمان ... اصلا حتى نوم ما نمت
حامد: افا ليه القمر مانام شفيك عيوني؟؟؟
نبراس : لا القمر يحرسك وانت نايم ... ما فيني الا العافيه
حامد: يمه يمه يا عمري انتي تحرسيني كان جلستيني اسولف معك حياتي
نبراس: لا ماابيك تجلس ابي اخذ راحتي وانا اناظرك
حامد: لا والله ليه ما نمتي قلبي؟؟
نبراس: ابد وربي افكر فيك
حامد:يعني حبيتيني
نبراس: ها .. لا .. ايه .. ماادري ماادري . المهم انا بروح المدرسه يا الله بااااااااااااااااي
حامد :بي لا تنسين اذا رجعتي من المدرسه كلمي علي
نبراس: يصير خير
حامد: اذا ما دقيتي ما بروح الدوام الا لما تتصلين تراني بستناك... لاتعذبين قلبي
نبرس: انشاالله بس اللحين خلني اروح لا يعصبون علي
حامد: طيب عمري ... انتبهي لنفسك وشاركي با المدرسه ولا تسرحين وماتنتبهين حق معلمتك ابي تجيبين نسبه
نبراس : انشاالله اوامر ثانيه اخوي
حامد:لا سلامتك حبيبتي بس لو تبدلين كلمة اخوي بشيء ثاني يكون احسن
نبراس بدلع: حاااااااامد يا الله عاد تاخرت
حامد : اموت بدلع مااقدر.. طيب روحي باااااااااااااااي
نبراس : بااااااااااي
ام جاسم يا مشاعل نادي على اخوك يجلس يوديني
مشاعل : وين يمه بتروحين
ام جاسم : بيت خالتك ام فؤاد بس عجلي على اخوك يا الله
مشاعل طيب يمه
مشاعل راحت لاخوها تجلسه: عامر يا الله قوم ماما تبيك توديها بيت خالتي
عامر : انشاء الله
(عشر دقايق وعامر جالس ومغير ملا بسه ومتزقرت)
وهو يطامر من على الدرج اللي يشوفه ما كانه توه جالس من النوم وجلس يغني عن الام
يا امي يا غلا الدنيا
واصدق عاطفه با الكون
وادفى حضن يحضني
واكبر قلب يحويني
انا بك دنيتي جنه
وبسماتك مطر ومزون
وضحكاتك ربيع اخضر
زهوره فتحت فيني
مشاعل وهي تصفق لاخوها:عاش عمور وش عندك على ها الرواقه من الصبح
عامر جلس جنب امه: صباح الخير يا ام الخير
ام جاسم :صباح النور والفرح والسرور
عامر : ها يمه جهزتي علشان اوديك عند خالتي
ام جاسم : ايه يمه بس مشاعل قومي جيبي عباتي
مشاعل : يمه يصير اروح معاكم
ام جاسم :ايه يمه مو بيت خالتك قومي يا الله
مشاعل بغرفتها وشكلها مره جنان حاطه بوجهه مكياج خفيف وفاتحه شعرها وصايره مره انيقه
عامر : يا ربيه على ها البنت ليه يمه قلتي لها تقوم معانا كان خليتيها هذا الحين اخرتنا
ام جاسم :لا مسكينه بنيتي كله جالسه لحالها با البيت
مشاعل : ها يمه وش رايك في بنتك
ام جاسم: اسم الله عليك تقولي للقمر انزح وتجلسين مكانه
عامر: الله الله اللي يشوفك رايحه تسوين استعراض مو بيت خالتي كل ها الزين لهم
جاسم جالس مع حرمته فاطمه والانوار الهادئه
جاسم : حياتي شفيك ضايق خلقك
فاطمه: لا ابد حبيبي بس احس بكتمه
جاسم : مكتومه وانا جنبك ... ابيع الدنيا كلها لجلك بس ابي اشوفك مستانسه
فاطمه : ومنو يقدر يقول اني مو مستانسه وانا معاك يا حبي انت
جاسم بنظره كلها حنيه وحنان : حبيبتي انتي تحبيني
فاطمه : المفروض ما تسال ها السؤال ولا نسيت شلون ضحينا علشان ناخذ بعض انا مو بس احبك انا يا جاسم اتنفس هواك
بختصار ..... انت انفاسي يا جاسم
جاسم : آآآآآآآآآآه ربي لا يبعدك عني
الا وصوت جنان تبكي
قامت فاطمه يمه بنتي ماادري وش فيها قامت لها وجنان ذابحه عمرها انها مو شايفه امها وابوها
فاطمه ظلت تسكت فيها واهي ابد ولا كانه .......جلست مفزوعه ما شافتهم
جاسم : جيبيها عنك : تعالي ياقلب ابوك انتي وهو يلاعبها ويسكتها ... بس خلاص عمري ... ليه جنونه تبكي شفيك بابا
جنان : انتو تلوحون وادلس لحالي (تروحون واجلس لحالي)
جاسم:لا يا بابا مانروح ونخلي القمر هنا
جنان : انا ابي الوح عند خالاتو وعمتو شعلوله( تعني عمتها مشاعل)
جاسم : ولا يهمك نروح حق خالاتك ونروح لعمتك شعلوله
فاطمه : من جد بنروح بيت اهلي
جاسم : شكلك فرحانه انك بتروحين بيت اهلك
فاطمه : اكيد بفرح اني بروح ولا شرايك
جاسم:كانك تبين الفكه مني
فاطمه : منو يقول انا لو لود ودي ما نفارق بعض ولا دقيقه
جنان واهي تدلع امها وابوها: دسوم ... فطيمه
ادلوني علسان نلوح بسلعه( عدلوني علشان نروح بسرعه)
فاطمه: شفت بنتك تبغانا نعدلها.... يا الله تعال معاي انا بروشها وانت طلع
ملابسها
جنان : بابا ابي احمر
جاسم تامرين امر يا عيون بابا
با المدرسه ونبراس تتجل مع صديقاتها بفناء المدرسه
نبراس تكلم صديقتها: حاسه بدوخه
صديقتها:وش فيك عسى ماشر تعالي جلسي هنا
نبراس: اشر ما يجيك بس حاسه الدنيا تلف فيني
صديقتها: واكيد انتي مو ما كله شيء صح
نبراس طاحت با الارض وصديقاتها تجمعو عليها
الا رجاء جايه من بعيد وشافت المه على البنت سالت بنت شنو صاير
البنت: في وحده مغمى عليها
رجاء: ما تعرفين اسمها
البنت: الا اعرفه نبراس سالم
رجاء : خليني اشوف البنت توها تروح الا تشوفها واعرفتها شهقت وهي تناديها نبرااااااس
جلست رجاء جنب نبراس وهي تحاول تجلسها بنات تكفون بعدو اشوي وجيبو ماي لها بدل ما تتفرجون
جلست رجاء وكانها تعرف نبراس من زمان .... جاو الاداره وشالو نبراس وراحت معاهم رجاء
نبراس: فتحت عيونها وهي تقول لرجاء مشكووووره اختي
رجاء:لا شكر على واجب بس وربي خفت عليك
شلونك احسن ولا تبين احد من اهلك ياخذك
نبراس: ياريت احد يجيني
رجاء: شفيك وجهك اصفر وعيونك شاحبه مو نايمه شكلك ولا تاكلين
نبراس: ايوووه امس مانمت ولا كليت
رجاء: وليه تسوين في نفسك كذا
نبراس: احس البارح اشياء كثيره تدور في بالي ومنعتني انام
رجاء: طيب وانتي الحين بتطلعين
نبراس: ايوه بخلي اخوي يجي يا خذني
رجاء: وانا بعد بخلي اخوي يا خذني ما راح اجلس وانتي تطلعين رجلي على رجلك
نبراس: في قلبها جا الوقت اللي اسالها : انتي عندك اخوان يا............. لزمها الصمت .. الا ما عرفتيني با اسمك
رجاء: انا رجاء عبدالله
نبراس: عاشت الاسامي يا رجوي
رجاء: عاش غاليك... ايووه عندي احنا ثلاث بنات وثلاث اولاد
ريما ورهف ورجاء
احمد ومحمد وحامد
نبراس: اسمعت اسم حامد وظلت مصدومه .. وش اسمه الاخير من اخوانك
رجاء: حامد
نبراس: اهاااا الله يخليهم
رجاء: ممكن نبراس رقمك ابغى اتطمن عليك اذا رجعت البيت ولا زم تاكلين زين وتنامين طيب
نبراس: ممكن ولي اشرف بعد وعطتها الرقم استناك اليوم
رجاء: انشاء الله وراح تملين مني بعد
بعد مااعرفت نبراس انو رجاء اخوها حامد وشبه قريب من بعض
وش تتوقعون يصير بينهم ؟؟؟؟
لا تقولون قصير اكثر من كذا تبغون
انشاء الله ربي يقدرني وتعجبكم القصه وانزل لكم ثلاث اجزاء بعد وش رايكم
بس ابغى ردودكم الله لا يحرمني منكم
.:: إعلانات المنتدى ::. 
الإهداءات
