12-12-2006, 04:04 AM
|
رقم المشاركة : 22
|
 معلومات
العضو |
|
|
|
إحصائية
العضو |
|
|
|
آخر
مواضيعي |
|
|
|
الجزء الخامس
ام جاسم في بيت اختها ام فؤاد دخل فؤاد عليهم
فؤاد: السلام عليكم
الكل وعليكم السلام
فؤاد: اوه اوووه خالتي الغاليه عندنا وش اخبارك
ام جاسم: انا تمااااام انت اللي وش اخبارك
فؤاد: الحمد الله بخير
مشاعل: وقلبها يرجف يا عمري وش ها الصدفه سرحانه ونظرها كله عليه
فؤاد: وهو ياشر لمه منو هذي
ام فؤاد: هذي مشاعل بنت خالتك ما عرفتها
فؤاد: والله ما شاء الله عليها كبرت شخبارك
مشاعل : سرحانه ما ردت
فؤاد: يا اخت مشاعل ترانى موجودين وقلنا شخبارك
مشاعل: ها ايه انا الحمد الله بخير( وفي قلبها دامك بخير)
وتدخل ام جنان بيتهم وسلمت عليهم
فاطمه : مجتمعين وما تقولون لي اوريكم
ام فؤاد: يمه البيت بيتك ما يحتاج عزيمه
جنان اللي من شافت خالها فؤاد وهي مو عارفه احد
خالوو فريروو حبيبي
فؤاد عيون خالها وخذها لمها وباسها
مشاعل تكلم مرت اخوها فاطمه: شكله فؤاد حنون مره
فاطمه : ايه احن واحد اهو وفهد بس اهو يحب الاطفال كثير وبتسمت لها
مشاعل : فاطمه جيبي جنان ابغاها
فاطمه : تعالي ماما جنان عمتووو تبيك
جنان : تيب تيب ماما ( طيب طيب)
فؤاد: ها جنان تبيني ولا تبين عمتك
جنان محتاره تطالع عمتها وتطالع خالها ما ادري انا ابيك وابيها بعد
فؤاد : لا لازم واحد
جنان : تيب ليه انت ما تتذوج عمتووو وتصيلون واحد وابيكم انتو اثنين
مشاعل انحرجت من كلام بمنت اخوها وتتوعد فيها
فؤاد: جنان انتي منو يعلمك هذا الكلام
جنان: انا اعلم لوحي بلوحي(روحي بروحي)
فؤاد : طيب ما قلتي لي منو تبين
جنان : انت توديني البقاله
فؤاد: ايه اوديك
جنان : خلاص انا ابيك ما ابيها عمتوووو
مضت الايام وكل واحد في بيته وبنفس الحال
زادت علاقة نبراس مع رجاء
بو فؤاد الحمد الله صحته تحسنت
حامد وعشقه اللي للحين ما وصل لاهل البنت
احمد وافقت منيره عليه وارتاح
عامر وفراس وفارس سافرو للكويت وتوهم رادين والخبال والمزح مصاحبهم في كل مكان
مشاعل اللي متعذبه وموقادره تعترف حق فؤاد بحبها له
رهف اللي صار لها اكثر من ثلاث سنوات واهي تحب واحد عن طريق الما سنجر متعرفه عليه
رجاء : يمه اليوم صديقتي جايتني البيت
ام احمد: حيا ها الله
رجاء : بس يمه ابغى السواق يشتري لي اشوية اغراض
ام احمد : ايه يمه روحي عادي قولي له كل اللي تبينه
فوق ورجاء متحمسه لجيت نبراس وجهزت كل شيء
نبراس اللي تفسخ بدله وتلبس بدله ثانيه ومحتاسه مو عارفه وش تسوي
نبراس : وش البس محتاره نورس
نورس: لبسي بدلتك الجديده
نبراس : الورديه تقصدين
نورس : ايه لبسيها حلووه عليك
نبراسOK بس احط مكياج ولا
نورس : حطي بس لا تحطين كثير احلى
جهزت نبراس وصايره روووعه مره جذابه تجنن
راحت حق اخوها فيراس وقالت له يوديها
نبراس : ها اخوي توديني
فراس اوديك بس مو تتاخرين
نبراس : طيب
فراس : فارس تقوم معاي
فارس: على وين
فراس : بودي نبراس بيت صديقتها وبمر على عامر ونروح عند الربع
فارس : اروح معاك ليه لا
نبراس: تراني جاهزه مو تقول اخرتك
فراس وفارس : يا الله سرينا
احمد ويكلم حبه منيره
احمد: هلا عمري
منيره: هلا بيك ( بزعل)
احمد : افا افااا وش فيه قمر احمد زعلان
منيره : ما فيني شيء سلا متك
احمد : كل هذا وما فيك شيء يا الله عاد تكلمي
منيره : مسوي نفسك ما تدري يعني حظرتك رايح البحرين وانا جالسه هنا احاتيك
احمد: يا عمري والله تحاتيني يا قلبي
منيره : ايوووه لو ما احتيك منو احاتي اجل
احمد : فديت منير والله اذبح عمري عشانها وش اللي تبينه ويرضيك يا قلب احمد بن عبدالله انتي
منيره : ابي ابي واهي مطيره عيونها فوق ........ ايه ابيك تطلع معاي طلعه مقابل سفرتك اللي رحت وما قلت لي
احمد : انتي تامرين امر بس لو تبين تنامين عندنا عادي ما نقول شيء انا مستانس انك طلبتيني بطلعه تدرين ليش يا منيره
احمد : ولا اقول لك خليها بكره لما اشوفك
منيره : تكفى حبيبي قول
احمد: الله عجبتني الكلمه عيديها اول وبعدين اقول لك
منيره: ســـــــــــــــــاكته ومنحرجه ( شسويت انا مع بقارتي شقلت)
احمد : ترى ما راح اقول لك
منيره يا ربيه فشيله شلون بقولها الحين بس هم جاني فضول ابغى اعرف عادي خل اقولها وعلى الله اول وتالي بتعود عليها حــ..........
احمد : ايووووه يا الله مو قادر وربي متحمس
منيره : يا الله حبيبي
احمد:yes كذا اقدر اقول لك
منيره : طيب
احمد : ما يصير اسمعها بعد
منيره: الحين اكيد لا ... لان امي ما جابتني مرتين
والايام جايه وبتسمعها كثير بس يا الله خلصني يا الله
احمد: لاني ... لاني اشتقت لك كثير يا روحي جلست يوم هناك كاني جالس سنه ... صحيح مو كل يوم اشوفك بس ولو احس انفاسي قريبه من انفاسك يا روحي
منيره : الله الله كل ذا لي بقلبك
احمد : واكثر يا منيره
منيره : طيب احمد اقدر اسكر الحين لان ماما تبيني وانشاالله اقدر اكلمك با الليل
احمد: طيب........................منيره
منيره : هلا شفيك
احمد : احبك احبك احــــــبـــــــــك يا منيره قالها وقلبه وكله رومانسيه
منيره ساكته وذايبه من كلمته ودها تقول له بس متردده لا البنت اكبر من كذا خلني ثقيله ولاحقه عليها بعدين
احمد: طيب عيوني تامريني بشيء بسكر يا الله
منيره بكل رقه : سلامتك احمد .... باااااااااي
احمد : بااااااااي
في الجهه الثانيه عند رجاء ونبراس جالسين والجو احسن ما يكون ما خذين راحتهم على الاخر با المكان
فجئه يدخل عليهم حامد وهو ما يدري انا في احد عند اخته
دخل هلا هلا هلا برجوي اشوي ويلتف يشوف ملاك موجود مستحيل انا هذي نبراس وش اللي يعرفها باختي غريبه
نبراس مصدومه والدمعه بعينها طاحت عينها بعين حامد يا الله وش ذا الصدفه يا ربي
طلع حامد ونادى اخته اللي ملاحظه تغيرات صايره في نبراس اول ما شافت حامد وحامد نفس الشيء
رجاء: عن اذنك انا بروح اشوف اخوي وش يبغى
نبراس : خذي راحتك
راحت رجاء حق حامد
رجاء : هلا شفيك
حامد : لا ما فيني شيء
رجاء : طيب ليه مناديني
حامد : ابي اعرف منو ذا البنت
رجاء: ليه طيب
حامد : تكفين رجاء بس اعرف وارجع اقول لك كل شيء بس ابغى اسمها با الكامل
رجاء : حاضرين يا الغالي بس وعد انك راح تقول لي
وش تتوقعون يصير حق رهف ؟؟؟؟
حامد راح يتوصل حق نبراس ولا راح ينهدم الحب ؟؟؟؟
يا الله ابغى ردودكم وتشجيعكم بسرعه
تحياتي لكم
كيان الرووووووح
|
|
|
|
.:: إعلانات المنتدى ::. 
الإهداءات
