عائلة بوأحمد :
بوأحمد أسمه: عبدالله وعنده ثلاث أولا د وثلاث بنات
أم احمد اسمها: عليا
نبدأ بالكبير من عيال بو أحمد ريما :عمرها 27 سنه متزوجه صديق أخوها أحمد وعندها بنت عمرها 13 سنه وأسمها ريتاج وولد أسمه راشد وعمره ست سنوات وأسم زوجها حمدالعتيبي....
أحمد: أصغر من ريما بسنه يعني عمره 26 سنه وخاطب بنت خالته منيره
رهف :عمرها 22 سنه فوضاويه كثير وتحب المغامرات
محمد :عمره 20 سنه في قمة الروعه جمال ودلال والعايله كلها تحبه وخفيف دم
رجاء: أصغر بنت من أعيال بو احمد وتدلع كثير بس غيوره من اخوها محمد لأن الكل يهتم فيه ودائما تتناقر معاه وعمرها 17 سنه وتدرس
حامد: عمره 24 سنه هدفه في حياته مستقبله والمصالح في دنيته ويحب الرومانسيه
بوفؤاد
أخو بوأحمد اللي كانوا على خلاف كبير من بعد ما توفى أبوهم وصار الخلاف على الورث (( الفلوس تغير لنفوس ))
بوفؤاد أسمه سالم وعنده 4 أولاد وثلاث بنات
أم فؤاد أسمها أميره
فؤاد عمره 26 سنه وناوي على الزواج ويموت في أمه موت وحنون كلمته الوحيده لمه (( موتي ولا دمعة أمي ))
فاطمه متزوجه من ولد خالتها جاسم عمره 23 سنه وعندها بنت قمر عمرها 4سنوات أسمها جنان
فهد عمره 21 مطيع كثير لعايلته ومايرد أحد على نياته
فراس وفارس تؤم وأعمارهم 20 سنه مرحين وروحهم وتفكيرهم وحده ورواعي مقالب ماشاء الله عليهم
نبراس عمرها 18 سنه حبابه وجميله مره وتدرس أخر سنه نورس أخر بنات بو فؤاد بس متكبره وشايفه نفسها كثير ودلوعه على الآخر وعمرها 17 سنه وتدرس .
أم منيره
أخت أم أحمد وأسمها ساميه عندها بنت وحده اللي هي
منيره وعمرها 24 سنه اللي تيتمة وهي صغيره عمرها 6 سنوات
أم جاسم
أخت أم فؤاد وعندها ولدين وبنت
جاسم عمره 26 سنه هذا أبو جنان اللي متزوج بنت خالته فاطمه


عامر عمره 21 سنه ويحب الرقص والمغامرات والضحك وأخرهمه الحزن
مشاعل عمرها 23 سنه وتحب فؤاد ولد خالتها ومحد يدري عنها .


الجزء الأول
في المدرسة الثانويه كانت نبراس تتمشى مع صديقاتها وحامله كتبها أشوي إلا وتخبط في وحده وأيش كانت هالوحده في ((قمة الروعه )) طاحو كتب نبراس أنزلت رجاء تلم أغراض نبراس وانزلت نبراس وهي تقول حق رجاء
نبراس: خلا ص مايحتاج أختي
رجاء : اسفه على الأزعاج أختي
نبراس: لا أزعاج ولا شي أنا اللي مانتبهت
مو أنتي مشكوره أختي ما له داعي تعبين نفسك وتلمين أغراضي
رجاء: لا عادي وش دعوه
ما سويت شي طيب أنا ماشيه تامرين بشي
نبراس: لا سلامتك مع السلامه

(في بيت بو أحمد )
أحمد : يمه يمه أمي وهو يصارخ يا أم احمد الغاليه فينك
أم احمد : شفيك شايل البيت على راسك وش تبغى من هذا الأصراخ كله
أحمد : يمه مايصير حرام عليك معلقتني مع البنت ولا رحتو تخطبونها لي رسمي تكفين علويه تكفين يالغاليه كذا يعني تسوين فيني تحجزين البنت ولا انتي خاطبتها لي بس كلام حريم
أم احمد : تكفى روح عن وجهي جاي وتصارخ وصوتك يسمعه سابع جار وفي الأخر تبغيني أروح عند خالتك أنا اللي علي سويته والباقي عليك وعلى أبوك روح كلم أبوك وتفاهم معاه
أحمد : يهون عليك ولدك حبيبك أول ولد لك تتركينه لحاله وأنا استحي أقول لبوي أني أبغى أتزوج ((وهو يطالعها بحزن ))
أم احمد : روح تستحي مثل ماكنت تناديني علويه وما ستحي تكلمني كذا روح لبوك وقله عبود عادي أنت عندك تسويها
أحمد : غضبان مو عارف وش يسوي
تدرين يمه أسويها وأسوي أبوها بس خل يجي أبوي من دوامه لما أقوله ما كون ولد بوأحمد الغالي
((في بيت أبو فؤاد ))
كان ذاك اليوم بوفؤاد تعبان وحالته حاله وأم فؤاد جنبه تواسيه ومافي ألا فهد اللي كان نايم
راحت أم فؤاد جنبه : يمه فهد قوم أبوك تعبان وياريت لو توديه المستشفى
فهد : يمه أنا مانمت ألا الصباح الله يخليك خليني نايم يمكن تلاقين فؤاد خل يوديه هو
أم فؤاد : ياوليدي فؤاد مش موجود مافي أحد في البيت ألا انت تكفى يمه قوم
فهد : طيب طيب جاي الحين أقوم
نروح حق فيراس وفارس اللي كانو طالعين وماردو البيت
فارس : تصدق فيراس ماأدري ليه قلبي قارصني ودي أرجع البيت
فراس: لا تكفى ياخوي لا تقول كذا تخوفني روح ياشيخ الحين تخليني أجلس واحاتي
فارس : طيب فيراس قوم نروح البيت مالنا جلسه خلاص زهقت أنا
فراس: طيب قوم يا أخي العزيز اللي يشوفك مو الحاسه السادسه انت الا الحاسه الثامنه اللي فيك
راحو فيراس وفارس البيت أول ما وصلو البيت كان هادئ جلسوا يناقزون ويصارخون ياأهل البيت والثاني يا أم فؤاد الغاليه وينكم
شاف الخدامه تعالي أنتي وين ماما
الخدامه : ماما فوق انا مايدري شنو فيه
بس ماما واجد زهقان على بابا
فراس : طيب وفهد وينه
الخدامه : مايدري فهد يمكن نوم يمكن يروح بره
أنا مايدري عنه بس انا واجد خوف على ماما
فارس وهو يرجف خايف من اللي يصير
فراس : الله يخليك انت أصعد فوق وشوف وش فيهم الله يستر من نقزاتك
انت لو ماتحس أحسن لك جلس يضحك وهو خايف
فارس: اللي كان جالس وماتكلم ولا كلمه شاف أخوه وهو يضحك أقول يا أخ فروس لو تصكت من الضحك وتحط في بالك لو مره وحده سالفه جد وأمش أصعد معاي
صعدو أثنينهم ألا وفهد طالع من غرفته
فهد : وهو يتثاوب أنتو وينكم فيه ما جيتو من مساع ومخليني لحالي
فارس : فهد أنت ماتدري وش اللي يصير في البيت
فهد : لا وش اللي صار ؟؟
فارس : ماادري الخدامه تقول أنا امي مهب طبيعيه
فهد : مالت عليك خرعتني على بالي عندك سالفه وخر بس وخر
فراس : يابرودك يافهد أبوي تعبان وانت جالس هنا ومروحها في سابع نومه قوم يالله خل نشوف أبوي وش فيه
(( يالله خلينا نروح الله يستر ))
فهد : وهو يتحنحن (أحم أحم ) ويطرق الباب على أمه
فراس : فهد وجعه اللي يشوفك كانك راح تدخل على خطيبتك هلي تتحنحن وخر بس
فراس : طرق الباب بسرعه
أم فؤاد طلعت وهي مكشره : لا زين جلست يافهيد
فهد : يمه وش ف

فراس وفارس: يمه وش صاير في ابوي والله قلقانين عليه
أم فؤ اد: دخلو وشوفوه وش صاير له خذت حيلي بو فؤاد
دخلو العيال على ابوهم شافوه متقالبه الوان وجهه
فهد : يبى وش فيك وش اللي يعورك
فارس هو يقلد صوت أخوه : وخر أنت وش اللي يعورك قوم خل نوديه المستشفى بسرعه



عند ريما كانت جالسه مع زوجها حمد في قمة الرومانسيه
حمد : ريوم حبيبتي مالك نيه نسافر
ريما : حمد وش فيك هذا وقت نسافر فيه و العيال والمدارس شلون
حمد : عادي نخليهم بيت اهلي كم يوم ونرجع ماراح نطول
ريما : عمري حمود والله خاطري ارجع ايام زواجنا بس أخاف رشود يعذبهم تعرف ولدك وشطانته
حمد : لا تقولين عنه شيطان الله يحفظه يجنن فديته ولدي
ريما : اذا هو يجنن وفديته وش بقى لي
حمد : آآآآآآآآآآآآآآآآآآآآآآآآآآآه يمه وش بقى لك بقى لك روحي وعقلي وكلي لك ياأنفاس حمد أنتي أنا لو أنتي تروحين عني ماادري وش اللي راح يصير لي
ريما : خلاص بروح عنك أبغى أشوف وش اللي يصير لك وهي تضحك
حمد : تكفين أذا بتروحين عني وديني مستشفى الأمل أحسن من جلستي هنا بلياك وش يجلسني بمكان وزوجتي وحبيبتي أم أعيالي مو معاي
ريما: لا أسم الله عليك يعني تصير مجنون لا ما تهون علي (توها تكمل يعل فيني ............... ويقطع صوت التليفون عليهم
حمد : آلو
أحمد : هلا والله بالنسيب
حمد : هلا فيك أخبارك
أحمد : تمام دامك أنت بخير
حمد : أكيد أنا تمام دامني مع أختك
أحمد : يا عيني مااقدر على الغزل وينك ياريوم تجين وتسمعين زوجك وش يقول
حمد : منو يقول أنها مو معاي كاهي جنبي
أحمد : أسمع مااقدر أنا أن ما عرست السنه بنتحر
حمد : يجننه أيوه بصراحه أنصحك ياتتزوج ولا تنتحر وش لك بالعزوبيه
أحمد : أقول يابو راشد لا تجنني أنت الثاني وعطني أختي لو سمحت
حمد : قول كذا من الأول أنت داق تبغى أختك
أحمد : لا تكثر هرج ويالله خلني أكلمها
حمد : طيب .. ريما ... ريوم حبيبتي تعالي يبغاك أخوك
أحمد : يتمتم لحاله .... يا حظك يا ريوم
تزوجتي وفيه من يدلعك ولا اسمعو وش يقول لها حبيبتي
ريما : ساكته من بداية ماتكلم
أحمد: وينها ذي توه زوجها يقول جنبه تقطع عليه ريما
ريما : والله ياخوي يابو شهاب أنت اللي وين رحت جالس تمتم لحالك ومحد يدري عنك كأنك خدامه سابينها
أحمد : ريمو أوريك الحين انا داق عليك يااختي العزيزه وطالبك انك تجين تتغدين عندنا وأخرتها تقولين عني خدامه يالبومه
ريما : أنا البومه يا وجه العنز أوريك أن جيت عندكم
روح عني يالله عطني مقفاك ومني بجايه
أحمد : أفا أختي حبيبتي أم راشد الغاليه تزعل ما عاش من يزعلها
ريما : لا تجلس تقول لي هالكلام ويالله روح بسرعه خلصني
أحمد : طيب ما تبغين تسمعين وش بقول لك
ريما : أخلص وش بغيت ؟؟
أحمد : أخوك ياريما يبغى يكمل نص دينه ويبغى بنت الحلال
عاد يبغى أخته تكون جنبه في هالموقف
ريما : من جد تبغى تعرس
الله وناسه خلاص أنا بجيكم الحين بس أقول حق بور اشد وجايتكم ٍٍٍٍٍٍٍٍٍٍٍٍٍٍٍٍ
أحمد : كفو هذا اختي اللي اعرفها حبيبتي والله